மாத்தறை-அக்குரஸ்ஸ பிரதான வீதியில் இன்று (08) காலை இடம்பெற்ற விபத்தில் 12 பேர் காயமடைந்துள்ளனர்.

தெற்கு அதிவேக நெடுஞ்சாலையின் பலட்டுவ வெளியேறும் இடத்திற்கு அருகில், வீதியோரத்தில் நிறுத்தி வைக்கப்பட்டிருந்த கொள்கலன் லொறியுடன் வேன் மோதியே இந்த விபத்து இடம்பெற்றுள்ளது.

விபத்தில் காயமடைந்தவர்கள் மாத்தறை மாவட்ட பொது வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

வேனில் இருந்த பயணிகள் மாத்தறை, முலட்டியானாவைச் சேர்ந்தவர்கள் என்றும், கட்டுநாயக்க விமான நிலையத்திற்கு ஒரு பயணம் மேற்கொண்ட பின்னர் திரும்பிக் கொண்டிருந்தனர் என்றும் தெரிவிக்கப்பட்டுள்ளது.

1990 சுவ செரிய ஆம்புலன்ஸ் சேவையைப் பயன்படுத்தி காயமடைந்தவர்களை வைத்தியசாலைக்கு கொண்டு செல்ல உள்ளூர்வாசிகளும் பொலிஸாரும் உடனடியாக செயல்பட்டனர்.

சம்பவம் குறித்து மாலிம்படா பொலிஸார் மேலதிக விசாரணைகளை மேற்கொண்டு வருகின்றனர்.