முன்னாள் அமைச்சர் பாட்டலி சம்பிக்க ரணவக்க மற்றும் மூன்று பேருக்கு எதிராக சட்டமா அதிபரால் தாக்கல் செய்யப்பட்ட குற்றப்பத்திரிகையை இரத்து செய்ய உத்தரவிடக் கோரி தாக்கல் செய்யப்பட்ட மேல்முறையீட்டு மனுவை உயர் நீதிமன்றம் தள்ளுபடி செய்துள்ளது.

2016 ஆம் ஆண்டு கொழும்பு, ராஜகிரியவில் நடந்த ஒரு வீதி விபத்துடன் தொடர்புடைய ஆதாரங்களை மறைத்த குற்றச்சாட்டுகளுடன் இந்த குற்றச்சாட்டு தொடர்புடையது.

இதில் சம்பிக்க ரணவக்க ஈடுபட்டதாக குற்றம் சாட்டப்பட்டது.

இந்தத் தீர்ப்பின் மூலம், ஏற்கனவே தாக்கல் செய்யப்பட்ட குற்றப்பத்திரிகையின் அடிப்படையில் குற்றம் சாட்டப்பட்ட தரப்பினருக்கு எதிரான விசாரணையைத் தொடருமாறு கொழும்பு மேல் நீதிமன்றத்திற்கு உயர் நீதிமன்றம் உத்தரவிட்டுள்ளது.

இந்தத் தீர்ப்பை உயர் நீதிமன்ற நீதிபதி எஸ். துரைராஜா தலைமை நீதிபதி ஜெயந்த ஜெயசூர்யா மற்றும் நீதிபதி காமினி அமரசேகர ஆகியோரின் ஒப்புதலுடன் வழங்கினார்.