சசிகுமார், சிம்ரன் நடிப்பில் வெளியாகி உள்ள படம் 'டூரிஸ்ட் ஃபேமிலி'. இப்படம் கடந்த 1-ஆம் தேதி உலகம் முழுவதும் வெளியானது. இப்படம் மிகப்பெரிய வரவேற்பை பெற்றுள்ளது. இப்படத்தை அறிமுக இயக்குநர் அபிஷன் ஜீவின்ந்த் இயக்கியுள்ளார்.

இந்த திரைப்படத்தில் மிதுன் ஜெய்சங்கர், கமலேஷ், யோகி பாபு, ரமேஷ் திலக், எம்.எஸ். பாஸ்கர், பக்ஸ் என்ற பகவதி பெருமாள் உள்ளிட்ட பலர் நடித்துள்ளனர். இப்படத்தை பார்த்து பிரபலங்கள் பலரும் பாராட்டி வருகின்றனர்.

இந்த நிலையில் நாம் தமிழர் கட்சி தலைமை ஒருங்கிணைப்பாளர் சீமான் இன்று டூரிஸ்ட் ஃபேமிலி படத்தை பார்த்துள்ளார். படத்தை பார்த்த அவர் இயக்குனர் அபிஷன் ஜீவின்ந்த்-ஐ கட்டிப்பிடித்து "சிறந்த படத்தை எடுத்து வச்சிருக்க தம்பி" எனப் பாராட்டியதுடன், ஒட்டுமொத்த படக்குழுவையும் பாராட்டியுள்ளார்.

இலங்கையில் இருந்து அகதியாக தமிழகம் வரும் ஒரு குடும்பத்தை பற்றிய கதை டூரிஸ்ட் ஃபேமிலி ஆகும்.