சிம்பு அடுத்து நடிக்கும் STR49 படத்தை பார்க்கிங் படத்தின் இயக்குனர் ராம்குமார் பாலகிருஷ்ணன் இயக்கவுள்ளதாகவும் டான் பிக்சர்ஸ் நிறுவனம் இந்த படத்தை தயாரிக்க இருப்பதாகவும் அண்மையில் அறிவிக்கப்பட்டது.

இப்படம் மிகப்பெரிய மாஸ் மற்றும் கலக்கலப்பான திரைப்படமாக இருக்கும். வசூல் ராஜா MBBS திரைப்படத்தை போல் ஒரு பக்கா கமெர்ஷியல் ஜாலி திரைப்படமாக இருக்கும். முழுக்க முழுக்க கல்லூரியில் நடக்ககூடிய திரைப்படமாக இப்படம் உருவாகி வருகிறது.

இப்படத்தின் இசையமைப்பாளராக சாய் அபயங்கர் ஒப்பந்தம் ஆகியுள்ளார். படத்தின் நாயகியாக கயாடு லோஹர் நடிக்கிறார்.

படத்தின் நடிகர் சந்தானம் காமெடியன் கதாப்பாத்திரத்தில் நடிக்கவுள்ளதாக தகவல் வெளியாகியுள்ளது. 10 வருடங்களுக்கு பிறகு நடிகர் சந்தானம் காமெடியனாக இப்படத்தில் நடிக்க இருப்பது குறிப்பிடத்தக்கது.

இந்நிலையில் இச்செய்தியை சந்தானம் உறுதி செய்துள்ளார் அவர் " ஆம் நான் STR 49 திரைப்படத்தில் நடிக்கிறேன். ஒரு நாள் எனக்கு சிம்பு கால் செய்து என்னுடைய அடுத்த திரைப்படத்தில் நடிக்க முடியுமா? என கேட்டார். என்னால் சிம்புவுக்கு No சொல்ல முடியாது. என் தொடக்க காலத்தில் சிம்பு எனக்கு மிகவும் உதவி செய்துள்ளார். நான் STR 49 படத்தின் நடிக்கும் அதே நேரத்தில் மற்றொரு படத்தில் நாயகனாக நடிக்க ஒப்பந்தம் ஆகியிருந்தேன் , இப்படத்தில் நடிப்பதால் அதை நான் ஒத்திவைத்துள்ளேன் இதனால் அப்பட தயாரிப்பாளரிடம் மன்னிப்பு கேட்டுக் கொள்கிறேன்.

STR 49 படத்தில் எங்கள் இருவரில் காம்போ மிக பிரம்மாதமாக இருக்கும்" என கூறியுள்ளார்.

சிம்பு தற்பொழுது தக் லைஃப் படத்தில் நடித்து முடித்துள்ளார். அடுத்ததாக அஷ்வத் மாரிமுத்து இயக்கத்தில் நடிக்க இருக்கிறார் என்பது குறிப்பிடத்தக்கது.

சிம்பு நடித்த பல திரைப்படங்களில் சந்தானம் காமெடியனாக நடித்துள்ளார் கடைசியாக இது நம்ம ஆளு படத்தில் நடித்தது குறிப்பிடத்தக்கது.