தெலுங்கு திரையுலகில் முன்னணி நடிகராக வலம் வருபவர் நானி. கடைசியாக இவர் நடிப்பில் வெளியான படம் 'சூர்யாவின் சனிக்கிழமை' படம் வசூல் மற்றும் விமர்சன ரீதியாக நல்ல வரவேற்பை பெற்றது.

இதைத் தொடர்ந்து 'ஹிட் 3 படத்தில் நானி நடித்துள்ளார். ஹிட் 3 படத்தை பிரபல இயக்குநர் சைலேஷ் கொலானு இயக்குகிறார்.

பிரசாந்தி திபிர்னேனி தயாரிப்பில் உருவாகும் இப்படம் வரும் மே மாதம் 1 ஆம் தேதி திரைக்கு வருகிறது. ரத்தம் தெறிக்கும் கிரிமினல் ஜானரில் உருவாகியுள்ள ஹிட் 3 படத்தின் டீசரரை படக்குழு அண்மையில் வெளியிட்டது.

போலீஸ் கதாபாத்திரத்தில் நானியை இதில் பார்க்க முடிகிறது. ஆனால் இடையில் அவர் உண்மையில் போலீஸ் தானா என்ற சந்தேகமும் ஏற்படுகிறது. ரத்தம் தெறிக்க தெறிக்க ஆக்ஷன் காட்சிகள் டீசரில் இடம் பெற்றதால் படத்தின் மீதுள்ள எதிர்ப்பார்ப்பு எகிறியுள்ளது.

இந்நிலையில் படத்தின் முதல் பாடலான ப்ரேம வெல்லுவா பாடலை படக்குழு வெளியிட்டுள்ளது. இப்பாடல் ஒரு காதல் பாடலாக அமைந்துள்ளது. இப்பாடலை கிருஷ்ண காந்த் வரிகளில் சித் ஸ்ரீராம் மற்றும் நுடானா மோகன் இணைந்து பாடியுள்ளனர். பாடலின் காட்சிகள் இணையத்தில் பரவி வருகிறது.