முல்லைத்தீவு,  சுதந்திரபுரம் பகுதியில்  நேற்றைய தினம், உழவு இயந்திரத்துடன் மோட்டார் சைக்கிளொன்று  மோதி விபத்துக்குள்ளானதில் குடும்பஸ்தர் ஒருவர்  உயிரிழந்துள்ளார்.

சுதந்திரபுரம் பகுதியில் நெல் ஏற்றிவந்த உழவு இயந்திரமும் மோட்டார் சைக்கியொன்றும்  நேருக்கு நேர் மோதியதில் இவ் விபத்து இடம்பெற்றுள்ளதாகவும், இதில் மோட்டார் சைக்கிளில் பயணித்த குடும்பஸ்தர்  ஒருவர் சம்பவ இடத்திலேயே உயிரிழந்துள்ளார் எனவும் தெரிவிக்கப்பட்டுள்ளது.

இதேவேளை குறித்த விபத்தினை ஏற்படுத்தி விட்டு உழவியந்திரத்துடன் சாரதி தப்பிச்சென்ற நிலையில் புதுக்குடியிருப்பு பொலிஸாரால் நேற்றையதினம் இரவு  சாரதி  கைது செய்யப்பட்டுள்ளார் எனத் தெரிவிக்கப்படுகின்றது.

இவ்விபத்தில் 36 வயது மதிக்கத்தக்க  இரண்டு பிள்ளைகளின் தந்தையே உயிரிழந்துள்ளார் என்பது குறிப்பிடத்தக்கது. இந்நிலையில் இது குறித்த மேலதிக விசாரணைகளைப் பொலிஸார் முன்னெடுத்து வருகின்றனர்.