மியன்மாரில் மனித கடத்தல்காரர்களால் பாதிக்கப்பட்ட எட்டு பெண்கள் உட்பட 27 பேர் கொண்ட இலங்கையர்கள் குழு நேற்று (16) நாடு திரும்பியுள்ளனர்.

தாய்லாந்தின் பாங்கொக்கில் இருந்து ஸ்ரீலங்கன் ஏர்லைன்ஸின் UL 405 என்ற விமானத்தில் இவர்கள் நேற்று பிற்பகல் கட்டுநாயக்கா பண்டாரநாயக்க சர்வதேச விமான நிலையத்தை (BIA) வந்தடைந்தனர்.

பின்னர், சிறப்பு பாதுகாப்பு ஏற்பாடுகளின் கீழ் அதிகாரிகள் தனிநபர்களை அவர்களது வீடுகளுக்கு அழைத்துச் சென்றனர்.

மனித கடத்தல் வலையமைப்புகளுடன் தொடர்புடைய சட்டவிரோத சைபர் கிரைம் நடவடிக்கைகளில் பாதிக்கப்பட்டவர்கள் சிக்கியுள்ளனர்.

மியன்மாரில் இதேபோன்ற முகாம்களில் 14 இலங்கையர்கள் தங்கியிருப்பதாகவும், அவர்களை விடுவிக்கும் முயற்சிகள் நடைபெற்று வருவதாகவும் அதிகாரிகள் தெரிவிக்கின்றனர்.

அவர்களை மீட்கும் பணிகளை துரிதப்படுத்துமாறு வெளிவிவகார அமைச்சர் விஜித ஹேரத் அதிகாரிகளுக்கு பணிப்புரை விடுத்துள்ளார்.

இதற்காக இலங்கை, தாய்லாந்து தூதரக அதிகாரிகள், மியான்மர், தாய்லாந்து அதிகாரிகள் மற்றும் சர்வதேச அமைப்புகளை உள்ளடக்கிய ஒருங்கிணைந்த முயற்சிகளை அரசாங்கம் தொடங்கியது.

2024 நவம்பர் 1, முதல், மியன்மாரில் உள்ள ஆட்கடத்தல் முகாம்களில் இருந்து 63 இலங்கையர்களை அரசாங்கம் திருப்பி அனுப்பியுள்ளது.

இதில் நவம்பர் 25 ஆம் திகதி நாட்டிற்கு அழைத்து வரப்பட்ட 32 பேர் அடங்குவர்.

இந்த ஆண்டின் தொடக்கத்தில், ஏப்ரல், ஆகஸ்ட் மாதங்களில் முறையே 08 மற்றும் 20 நபர்கள் மீட்கப்பட்டனர்.

இதேவேளை, வெளிநாட்டலுவல்கள் அமைச்சு,வெளிநாட்டு வேலைவாய்ப்பு மற்றும் சுற்றுலா அமைச்சு ஆகியவை வெளிநாட்டு வேலைவாய்ப்பிற்கு அங்கீகரிக்கப்பட்ட நடைமுறைகளைப் பயன்படுத்துமாறு குடிமக்களை வலியுறுத்தியுள்ளன.

வேலை தேடுபவர்கள் இலங்கை வெளிநாட்டு வேலைவாய்ப்பு பணியகம் (SLBFE) மூலம் வாய்ப்புகளை சரிபார்க்க அறிவுறுத்தப்படுகிறார்கள்.

உதவி [www.slbfe.lk](http://www.slbfe.lk) அல்லது 24/7 ஹாட்லைன் 1989 மூலம் கிடைக்கும்.