விஜய் தேவரகொண்டா குரலில் வெளியான ராஷ்மிகா மந்தனாவின் புதுப்பட டீசர்

சினிமா

தமிழ் மற்றும் தெலுங்கு சினிமாவின் முன்னணி கதாநாயகிகளில் ராஷ்மிகா மந்தனா முன்னணி இடத்தில் இருப்பவர். சமீபத்தில் இவர் நடிப்பில் வெளியான புஷ்பா 2 திரைப்படம் மக்களிடையே பெறும் வரவேற்பை பெற்று வருகிறது. திரைப்படம் வெளியாகி 3 நாட்களில் 621 கோடி ரூபாய் வசூலித்துள்ளது குறிப்பிடத்தக்கது.

இந்நிலையில் ராஷ்மிகா மந்தனா அடுத்ததாக தி கேர்ள்ஃப்ர்ண்ட் திரைப்படத்தில் நடித்துள்ளார். இப்படத்தை ராகுல் ரவிந்திரன் இயக்கியுள்ளார். படத்தின் டீசரை நடிகர் விஜய் தேவரகொண்டா அவரது எக்ஸ் பக்கத்தில் இன்று வெளியிட்டார்.

டீசர் முழுவதும் ராஷ்மிகாவின் வெவ்வேறு உணர்ச்சிகளை பதிவு செய்துள்ளது. இப்படத்தில் தீக்ஷித் ஷெட்டி கதாநாயகனாக நடித்துள்ளார். பிரபல இசையமைப்பாளரான ஹேஷம் அப்துல் வஹாப் இப்படத்தின் இசையை மேற்கொள்கிறார்.

அல்லு அரவிந்த் வழங்கும் இப்படத்தை தீரஜ் மற்றும் வித்யா இணைந்து தயாரித்துள்ளனர். ராகுல் ரவீந்திரன் இதற்கு முன் சி லா சோ மற்றும் மன்முதுடு 2 திரைப்படத்தை இயக்கியுள்ளார் என்பது குறிப்பிடத்தக்கது.