அம்பாறை மாவட்டம் காரைதீவு பிரதேச சபைக்குட்பட்ட மாவடிப்பள்ளி பகுதியில் வெள்ள நீரில் இறந்த நிலையில் முதலைகள் கரை ஒதுங்கியுள்ள சம்பவம் மக்கள் மத்தியில் அச்சத்தை ஏற்படுத்தியுள்ளது.

மாவடிப்பள்ளி பாலத்திற்கு அருகில் அண்மைக்காலமாக முதலைகளின் நடமாட்டம் காணப்படுவதாகக் கூறப்படுகின்றது.

இந்நிலையில் தற்போது பெய்து வரும் கனமழை காரணமாக பல முதலைகள் இறந்த நிலையில் கரை ஒதுங்கி வருவதாகத் தெரிவிக்கப்பட்டுள்ளது.

இதனால் அப்பகுதி எங்கும் துர்நாற்றம் வீசுவதாகவும், முதலைகள் நடமாட்டம் காணப்படுவதால்  மிகுந்த அச்சத்துடனேயே போக்குவரத்தை மேற்கொள்வதாகவும் மக்கள் விசனம் தெரிவித்துள்ளனர்.

இந்நிலையில் இது தொடர்பாக சம்பந்தப்பட்ட அதிகாரிகள் கவனம் செலுத்த வேண்டும் என மக்கள் கோரிக்கை விடுத்துள்ளனர்.