ராணுவ அதிகாரிகளை சந்தித்து பேசிய த.வெ.க. தலைவர் விஜய்

சினிமா

தமிழக வெற்றிக்கழகத்தை தொடங்கி உள்ள விஜய் விக்கிரவாண்டியில் முதல் மாநில மாநாட்டை வெற்றிக்கரகமாக நடத்தி உள்ளார். இதன்பின்னரே முழு அரசியலில் தீவிரமாக ஈடுபட்டு வருகிறார்.

2026-ம் ஆண்டு நடைபெற்ற உள்ள சட்டசபை தேர்தலை நோக்கி பணிகளை தீவிரப்படுத்தி வருகிறார். இதனிடையே அம்பேத்கர் குறித்த புத்தக வெளியிட்டு விழாவில் விடுதலை சிறுத்தைகள் கட்சி தலைவர் திருமாவளவனும் விஜயும் ஒரே மேடையில் பங்கேற்க உள்ளது அரசியல் வட்டாரத்தில் பேசும் பொருளாகி உள்ளது.

இந்த நிலையில், சென்னை பரங்கிமலையில் உள்ள ஓடிஏ எனப்படும் ராணுவ அதிகாரிகள் பயிற்சி மையத்தில் நடைபெற்ற நிகழ்ச்சியில் இயக்குநர் ஹெச்.வினோத்துடன் நடிகர் விஜய் கலந்து கொண்டார். அப்போது ராணுவ அதிகாரிகள் மற்றும் அவர்களின் குடும்பத்தினரை சந்தித்து விஜய் உரையாடினார்.

இயக்குநர் ஹெச்.வினோத் இயக்கத்தில் தனது கடைசி படத்தில் நடிக்கும் விஜய், அதற்கான படப்பிடிப்புகளில் கலந்து கொண்டுள்ளார். பையனூரில் கடந்த 4ஆம் தேதி முதல் நடந்து வரும் படப்பிடிப்பில் பாபி தியோல் உள்ளிட்டோர் நடித்து வருவதாக தகவல் வெளியாகி உள்ளது.