மரக்கட்டையால் தாக்கி 82 வயது வயோதிபர் கொலை

இலங்கை

இரண்டு இளைஞர்கள் கட்டையால் தாக்கியதில் வயோதிபர் ஒருவர் உயிரிழந்துள்ளதாக தெரிவிக்கப்படுகின்றது.

ஒருவர் தாக்கப்படுவதை தடுக்க முற்பட்ட நபரே இவ்வாறு உயிரிழந்துள்ளதாக அங்குருவாதொட்ட பொலிஸார் தெரிவித்தனர். ஹல்தோட்டை பெத்திகமுவ பகுதியைச் சேர்ந்த 82 வயதுடைய தம்பவிடகே அரோன்சிஜோ என்ற நபரே உயிரிழந்துள்ளார்.

இறந்தவர் மற்றும் அவரது 26 வயது பேரன் வீட்டில் இருந்தபோது, பக்கத்து வீட்டைச் சேர்ந்த இருவர் இரும்பு கம்பி மற்றும் தடியால் பேரனை தாக்க முயன்றதாக முயன்றுள்ளனர்.

மரணவீடு ஒன்றில் பேரன் ஒருவர் மீது தாக்குதல் நடத்திய சம்பவத்திற்கு பழிவாங்கும் வகையில் இது இடம்பெற்றுள்ளதாக தெரிவிக்கப்படுகின்றது.

தடுக்க முன் வந்த முதியவரை கட்டையால் தாக்கியதில் அவர் உயிரிழந்துள்ளதாக பொலிஸாரின் ஆரம்பகட்ட விசாரணையில் தெரியவந்துள்ளது.