இயக்குநர் ராஜ்குமார் பெரியசாமி இயக்கத்தில் நடிகர் சிவகார்த்திகேயன் நடித்துள்ள திரைப்படம் 'அமரன்'. கமல்ஹாசனின் ராஜ்கமல் புரொடக்ஷன் தயாரித்த இப்படத்தில் சிவகார்த்திகேயனுக்கு ஜோடியாக சாய் பல்லவி நடித்துள்ளார்.

இப்படத்தில் சிவகார்த்திகேயன் 'முகுந்தன்' என்ற கதாபாத்திரத்தில் ராணுவ வீரராக நடித்துள்ளார். இந்த படம் நேற்று உலகம் முழுவதும் திரையரங்குகளில் வெளியானது.

அமரன் படத்தை முதலமைச்சர் மு.க.ஸ்டாலினுக்கு படக்குழுவினர் சிறப்பு திரையிடல் செய்தனர். அமரன் படத்தை பார்த்த முதலமைச்சர் முக ஸ்டாலின் எக்ஸ் தளத்தில் பாராட்டுகளை தெரிவித்துள்ளார்.

இந்நிலையில் தன்னுடைய அழைப்பை ஏற்று படத்தை கண்டுகளித்த முதலமைச்சர் மு.க.ஸ்டாலின் மற்றும் துணை முதலமைச்சர் உதயநிதி ஸ்டாலினுக்கு இந்த படத்தின் தயாரிப்பாளரும் மக்கள் நீதி மய்யம் கட்சியின் தலைவருமான கமல்ஹாசன் நன்றி தெரிவித்தார்.

அதைத்தொடர்ந்து தமிழ் சினிமாவின் முன்னணி தயாரிப்பாளரான கலைப்புலி எஸ்.தாணு திரைப்படத்தை பார்த்து அவரது பாராட்டை எக்ஸ் தளத்தில் பதிவிட்டுள்ளார்.

அதில் அவர் "கண்கள் பனித்தது! இதயம் கனத்தது!

அமரன் படத்தில் ஒவ்வொரு frame'um செதுக்கியுள்ளர் இயக்குனர். முதல் தர இயக்குனர் வரிசையில் ராஜ்குமார் பெரியசாமி., உயரிய நடிப்பின் காந்தமாய் தம்பி சிவகார்த்திகேயன், மனதை விட்டு அகலா சாய் பல்லவி , நெஞ்சை நெகிழ வைக்கும் இசையில் ஜி.வி பிரகாஷ், தரம், தகுதி, நிர்ணயம், தயாரிப்பில் Raaj Kamal Films International. தமிழன் பெருமிதம் கொள்ளக்கூடிய உயரிய கலைப் படைப்பு.

அன்புடன்

S. தாணு

என பதிவிட்டுள்ளார்.