ராம் சரண் நடித்த கேம் சேஞ்சர் திரைப்படத்தின் டீசர் ரிலீஸ் அறிவிப்பு

சினிமா

தெலுங்கு திரையுலகில் முன்னணி நடிகர் ராம் சரண். இவர் இயக்குநர் ஷங்கர் இயக்கத்தில் கேம் சேஞ்சர் என்ற படத்தில் நடித்துள்ளார். இயக்குநர் கார்த்திக் சுப்பராஜ் இப்படத்தின் கதையை எழுதியுள்ளார்.

இப்படத்தில் கியாரா அத்வானி, அஞ்சலி, எஸ்.ஜே. சூர்யா, சமுத்திரகனி, நாசர் மற்றும் பலர் முன்னணி கதாபாத்திரங்களில் நடித்துள்ளனர். தமன் இந்த படத்திற்கு இசையமைக்க, ஒளிப்பதிவு பணிகளை திருநாவுக்கரசு மேற்கொண்டுள்ளார்.

கேம் சேஞ்சர் படத்தின் "ஜரகண்டி" மற்றும் 'ரா மச்சா மச்சா' பாடல்கள் மக்களிடையே நல்ல வரவேற்பை பெற்றது. திரைப்படம் பொங்கலை முன்னிட்டு அடுத்தாண்டு ஜனவரி 10 ஆம் தேதி திரையரங்குகளில் வெளியாகவுள்ளது.

திரைப்படத்தின் டீசர் குறித்து படக்குழு தற்பொழுது அப்டேட் வெளியிட்டுள்ளது. அதன் படி கேம் சேஞ்சர் படத்தின் டீசர் வரும் நவம்பர் 9 ஆம் தேதி வெளியாகவுள்ளது. படக்குழு இப்போஸ்டரின் அனைவருக்கும் தீபாவளி வாழ்த்துக்களையும் தெரிவித்துள்ளனர்.