நடிகர் அஜித் தற்போது விடாமுயற்சி மற்றும் குட் பேட் அக்லி என இரண்டு திரைப்படங்களை கைவசம் வைத்துள்ளார்.
இதில் ஆதிக் ரவிச்சந்திரன் இயக்கத்தில் உருவாகி வரும் திரைப்படம் தான் குட் பேட் அக்லி. இப்படம் அடுத்த ஆண்டு பொங்கலுக்கு வெளியாகும் என படக்குழு அதிகாரப்பூர்வமாக அறிவித்துவிட்டனர்.
பெரிதும் எதிர்பார்ப்பில் உருவாகி வரும் இப்படத்தின் முதற்கட்ட படப்பிடிப்பு ஹைதராபாத்தில் நடைபெற்றது. இதில் ஒரு பாடல் காட்சியும், சண்டை காட்சியும் படமாக்கப்பட்டுள்ளது.
இந்த நிலையில், இப்படத்திற்கு இசையமைக்கும் இசையமைப்பாளர் தேவி ஸ்ரீ பிரசாத் சமீபத்தில் நிகழ்ச்சி ஒன்றில் கலந்து கொண்டார். அப்போது அவரிடம் குட் பேட் அக்லி படம் குறித்து அப்டேட் கேட்கப்பட்டது.
இதற்கு "குட் பேட் அக்லி படத்தில் அஜித் ஒரு மாஸான நடனம் ஆடியுள்ளார்" என கூறியுள்ளார். இது அஜித் ரசிகர்களுக்கு மிகப்பெரிய சர்ப்ரைஸை கொடுத்துள்ளது. கண்டிப்பாக இந்த பாடல் திரையரங்கில் அஜித் ரசிகர்களுக்கு மிகப்பெரிய விருந்தாக அமையும் என எதிர்பார்க்கப்படுகிறது.