தமிழ் சினிமாவில் வருகை தரும் புதிய ஹீரோக்களின் பட்டியலில் தனக்கென இடம் பிடித்துள்ளவர் ஹரிஷ் கல்யாண்.

கடந்த 2018ம் ஆண்டில் வெளியான பியார் பிரேமா காதல் படத்தின் வெற்றிக்கு பிறகு ஸ்பேட் ராஜாவும் இதய ராணியும், ஓ மணப்பெண்ணே, எல்ஜிஎம், பார்க்கிங் உள்ளிட்ட படங்களில் நடித்துள்ளார்.

இதைதொடர்ந்து, ஹரிஷ் கல்யாண் நடித்த டீசல் திரைப்படம் விரைவில் திரைக்கு வரவுள்ளது.

இந்நிலையில், ஹரிஷ் கல்யாண் நடிக்கவுள்ள புதிய படத்தின் அறிவிப்பு வெளியாகியுள்ளது.

கலவையான விமர்சனம் பெற்ற அந்தகாரம் படத்தை இயக்கிய இயக்குனர் விக்னராஜன் இந்த படத்தை இயக்குகிறார்.

மேலும், பார்க்கிங், மகாராஷா படங்களை தயாரித்த பாஷன் ஸ்டூடியோஸ் இந்த படத்தை தயாரிக்கிறது.

இதன்மூலம், பாஷன் ஸ்டூடியோஸ் தயாரிப்பில் ஹரிஷ் கல்யாண் இரண்டாவது படத்தில் நடிக்கிறார் என்பது குறிப்பிடத்தக்கது.