உலக பணக்காரர்களில் ஒருவரான எலான் மஸ்கின் 53-வது பிறந்தநாள் நேற்று. தொழில்நுட்ப கோடீசுவரரான அவருக்கு, வாழ்த்து தெரிவித்து வலைத்தள பக்கங்கள் நிரம்பின. பலரும் அவரது சாதனைகளை பட்டியலிட்டனர். மகனின் பிறந்தநாளையொட்டி அவரது தாயார் மாயே மஸ்க், தனது மகனின் குழந்தைப் பருவ புகைப்படங்களை வெளியிட்டு வாழ்த்து தெரிவித்தார்.

அத்துடன் வெளியிட்ட வாழ்த்து செய்தியில் "பிறந்தநாள் வாழ்த்துக்கள். 53 வருட மகிழ்ச்சிக்கும், உற்சாகத்திற்கும் நன்றி. உங்கள் 4-வது பிறந்தநாளில் உங்கள் அத்தை லின் உங்களுக்காக செய்த கேக்கைப் பார்த்து புன்னகைக்கிறீர்கள். அன்று செய்ததைப் போல இன்றும் நீங்கள் புன்னகையுடன் இருப்பீர்கள் என்று நம்புகிறேன், வாழ்த்துகிறேன்" என்று எழுதி, எலான் மஸ்க் 4 வயது குழந்தையாக இருந்தபோது எடுத்த புகைப்படத்தை பகிர்ந்திருந்தார்.

எலான் மஸ்கும், ஒரு புகைப்படத்தை தனது வலைத்தள பக்கத்தில், முப்பது ஆண்டுகளுக்கு முன்பு என்ற தலைப்பில் பகிர்ந்தார். அதில் பழுப்பு நிற சட்டையுடன், அமெரிக்க கொடியை பின்னணியாக கொண்ட 20 வயது இளம் எலான்மஸ்க் காணப்படுகிறார்.