பிரித்தானிய இன்ஸ்டாகிராம் பிரபலமான ரஸ் குக், இங்கிலாந்து கால்பந்து அணியை ஆதரிக்க ஜேர்மனிவரை ஓடுவதாக அறிவித்துள்ளார். 

வெஸ்ட் சசெக்ஸ் நகரைச் சேர்ந்த ரஸ் குக் (Russ Cook) என்ற 27 வயது இளைஞர், நாடுகளுக்கு இடையேயான தூரத்தை ஓட்டம் மூலமாக கடப்பதில் ஆர்வமுடையவர்.

இன்ஸ்டாகிராம் பிரபலமான இவரை 1.2 மில்லியன் பேர் பின்தொடர்கிறார்கள். கடந்த ஏப்ரல் மாதத்தில் ரஸ் குக் தென் ஆப்பிரிக்காவில் இருந்து துனிசியா வரை 10,000 மைல்கள் ஓட்டத்தினை முடித்தார்.

இந்த நிலையில், யூரோ 2024 தொடரில் இங்கிலாந்து கால்பந்து அணியை ஆதரிக்க 352 மைல்கள் தூரத்தினை கடந்து ஜேர்மனியை அடைய உள்ளதாக ரஸ் குக் அறிவித்துள்ளார். 

Wembley மைதானத்தில் இருந்து புறப்படுவதற்கு முன்பு 'மீண்டும் சாலையில் திரும்புவதற்கு சலசலப்பதாக' அவர் கூறினார். 

இங்கிலாந்தின் தொடக்க ஆட்டத்திற்காக Gelsenkirchen நகருக்கு சென்றவுடன், குக் அணியை அவர்கள் செல்லும் வரை பின்தொடர்வார்.

இதுகுறித்து ரஸ் குக் கூறுகையில், ''இது கடிகாரத்திற்கு எதிரான பந்தயமாக இருக்கும். ஆனால் நான் Gareth (இங்கிலாந்து வீரர்) மற்றும் வீரர்களை ஆதரிப்பதில் உறுதியாக இருக்கிறேன். வழியில் மக்கள் என்னைக் கண்டால், தயங்காமல் எனக்கு அலை கொடுங்கள் அல்லது சிறுது நேரம் என்னுடன் சேர்ந்து ஓடுங்கள்'' என்றார்.